ابنِ فريقك الخاص من موظفين الذكاء الاصطناعي للتصميم، الدراسة، وتقارير PVsyst — بإيدك ومع بعض
مختبر تفاعلي أونلاين بنتعلم فيه مع بعض، خطوة بخطوة، كيف نبني 3 موظفين بالذكاء الاصطناعي: موظف لتصميم أنظمة الطاقة الشمسية، موظف للدراسة الفنية والمالية، وموظف لتقارير PVsyst الاحترافية. وكل مشارك بيبني فريقه حسب مواصفاته وطريقة شغله.
كم ساعة بتروح عليك بكل مشروع؟
كل مشروع طاقة شمسية بيحتاج نفس الشغل المتكرر: تحسب الأحمال وتختار الألواح والإنفرتر، تعمل دراسة جدوى وفترة استرداد، وبعدين تقعد ساعات ترتّب تقرير PVsyst لحتى يطلع بشكل يليق بالعميل.
بالمختبر رح نبني مع بعض فريق ذكاء اصطناعي يعمل هالشغل المتكرر عنك، وإنت تراجع وتعتمد وتبيع.
3 موظفين… رح تبنيهم بنفسك
مش أدوات جاهزة تنسخها. كل مشارك بيبني موظفينه بإيده، ويفصّلهم على مقاس شغله ومعاييره وهوية شركته.
مهندس تصميم الأنظمة
موظف بتعطيه بيانات المشروع وفاتورة الكهرباء، وبيصمّملك النظام حسب المعايير والمكونات اللي إنت بتعتمدها.
- حساب قدرة النظام وعدد الألواح
- اختيار الإنفرتر وتوزيع السترينجات
- أنظمة On-Grid وOff-Grid والهايبرد والمضخات
- جدول كميات (BOQ) مرتّب وجاهز للتسعير
محلل الدراسة الفنية والمالية
موظف بيحوّل التصميم لدراسة مقنعة بالأرقام، على أسعارك وتعرفة بلدك وطريقة عرضك.
- الإنتاجية المتوقعة على مدى 25 سنة
- فترة الاسترداد والعائد على الاستثمار ROI
- التدفقات النقدية وسيناريوهات التعرفة
- ملخص تنفيذي ورسوم بيانية احترافية
خبير تقارير PVsyst
موظف بتعطيه صلاحية يدخل على برنامج PVsyst عندك، بيعمل الدراسة بنفسه، وبيستخرجلك تقرير احترافي جاهز للعميل.
- بيدخل على PVsyst ويعمل المحاكاة عنك
- بيستخرج التقرير ويشرح النتائج والفواقد ونسبة الأداء PR
- تقرير مرتّب بترويستك وألوانك
- جاهز للتسليم للعميل أو الجهة المموّلة
ليش تبني فريقك بنفسك بدل ما تشتري أداة جاهزة؟
بتفهم كل جزء فيه
بتبنيه من الصفر وإنت فاهم كل خطوة، فبتقدر تصلّحه وتطوّره بأي وقت بدون ما تستنى حدا.
مفصّل على مواصفاتك
مكوناتك، أسعارك، معاييرك الفنية، وطريقة عرضك للعميل — الفريق بيشتغل بطريقتك إنت.
بهويتك وملكك
كل ملف بيطلع بترويستك واسم شركتك، والفريق ملكك تستخدمه على كل مشاريعك الجاية.
كيف رح يكون المختبر؟
مش محاضرة… مختبر عملي لايف، بنشتغل فيه مع بعض خطوة بخطوة.
بنبلّش من الأساس
بنراجع أساسيات التصميم والدراسة، وبنفهم أدوات الذكاء الاصطناعي من الصفر.
بنبني الموظفين مع بعض
كل موظف بنبنيه لايف، وكل مشارك بيفصّله على مواصفاته.
بتطلع بفريقك جاهز
بتجرّبه على مشروع حقيقي وبتطلع وفريقك شغّال على مشاريعك.
لمين هالمختبر؟
- ✓ مهندسين تصميم وبيع أنظمة الطاقة الشمسية
- ✓ شركات ومقاولين الطاقة الشمسية اللي بدهم يسرّعوا تجهيز العروض
- ✓ استشاريين بيعملوا دراسات جدوى وتقارير فنية للعملاء والبنوك
- ✓ مهندسين حديثي التخرج بدهم يشتغلوا بمستوى محترفين من أول يوم
- ✓ وما بتحتاج أي خبرة برمجة أو ذكاء اصطناعي مسبقة
احجز أولويتك بالمختبر
التسجيل بقائمة الانتظار مجاني. أول ما نفتح التسجيل بالمختبر بتوصلك رسالة فيها المواعيد والتفاصيل والسعر الخاص لأول المسجّلين.
- 🎯 أولوية حجز المقعد قبل فتح التسجيل العام
- 💰 سعر خاص للمسجّلين بقائمة الانتظار فقط
- 🎁 محتوى مجاني قبل المختبر يوريك شو رح نبني
🔒 إيميلك بأمان — بدون إزعاج، وبتقدر تلغي الاشتراك بأي وقت.
المهندس عبدالكريم أبوسل
من الميدان بصمّم وبنفّذ مشاريع طاقة شمسية وبدرّب مهندسين، وعارف قدّيش التصميم والدراسات والتقارير بتاكل من وقت المهندس. بالمختبر رح أشاركك الطريقة اللي بنيت فيها فريقي من موظفين الذكاء الاصطناعي، ونبني فريقك إنت مع بعض خطوة بخطوة.
أسئلة شائعة
هل المختبر مجاني؟
لأ، المختبر مدفوع. التسجيل بقائمة الانتظار هو المجاني، وبيعطيك أولوية حجز المقعد وسعر خاص لما نفتح التسجيل.
هل التسجيل بقائمة الانتظار بيلزمني بالدفع؟
أبدًا. بس بتوصلك التفاصيل أول بأول، وإنت بتقرر إذا بدك تحجز مقعدك.
متى بيبدأ المختبر؟
قريبًا. المسجّلين بالقائمة هم أول ناس رح يعرفوا المواعيد والسعر.
شو الفرق بين المختبر وأداة جاهزة؟
بالمختبر إنت اللي بتبني الفريق بإيدك، فبتفهمه وبتفصّله على مواصفاتك وبتطوّره متى ما بدك، بدل ما تكون مقيّد بأداة جاهزة ما بتعرف كيف بتشتغل.
لازم يكون عندي خبرة بالذكاء الاصطناعي أو البرمجة؟
لأ. المختبر مصمّم لمهندسي الطاقة الشمسية، وكل خطوة رح تنشرح من الصفر.
هل لازم يكون عندي برنامج PVsyst؟
لموظف تقارير PVsyst نعم، لأنه رح نعطيه صلاحية يدخل على البرنامج عندك ويعمل الدراسة ويستخرج التقرير بنفسه. بس إذا ما عندك البرنامج ما في مشكلة: رح تتعلم الطريقة كاملة، ورح نعلّمك كيف تعمل تقارير مشابهة لتقارير PVsyst.
ابنِ فريقك الخاص… وخلّي الذكاء الاصطناعي يشتغل عنك
مقاعد المختبر محدودة، والأولوية للمسجّلين بقائمة الانتظار.
سجّل بقائمة الانتظار — مجانًا